Staatspresidentstrofee 2005

Daar was toe op die ou einde slegs twee spanne van die Letaba Vliegklub wat deelgeneem het.  Hulle het soos volg gevaar:  Eddie Vorster en Meyer Jacobs in ZS-MLC het 17de geëindig met 'n gemiddelde spoed van 164.17 knope.  Tienie Prinsloo en Francois Vorster in ZS-OMJ het 62ste geëindig met 'n gemiddelde spoed van 139.99 knope.  Baie geluk aan die twee spanne.

Citrashine Tzaneen Bushpilots Airshow

Die Tzaneen Bushpilots Lugskou het hierdie jaar die borgskap van Citrashine bekom, en sal vir die volgende vyf jaar hulle ondersteuning hê. Die lugskou sal daarom as die Citrashine Tzaneen Bushpilots Airshow bekend staan.  Almal op die komittee werk reeds baie hard aan die reelings en dit beloof om 'n fantastiese lugskou te wees.  Tienie Prinsloo moet uitgesonder word, aangesien baie van sy tyd daaraan gewy word.

Elke klublid moet asseblief hulle bes doen om te help op die dag van die lugskou, aangesien ons te min mense het om die werk te doen.  Dit is elke jaar slegs 'n handjievol lede wat hul kant bring.

Sterkte aan die komittee.

Belangrike datums

25 Junie - Lugskou

9 Julie - Skukuza naweek

HUMOR

Hasie draf eendag deur die woud toe hy vir kameelperd 'n vet daggazol sien rol.

Hasie check haar hier van onner af uit: "Giraffe, my bra, hoekom roek djy dagga? Kom draf saam met my deurie bos man. Dis baie meer gesond. Djy sal sien djy voel baie bieter na die tyd."

Kameelperd check vir Hasie, check die joint uit, gooi dit weg en begin saam met Hasie draf. 'n Rukkie later kom hulle by Olifant wat besig is om stywe lyne cocaine te snuif deur 'n R200 noot.

Hasie begin toe hanna aan Olifant ook: "Ag nee Olifant, los daai coke, djou nies gaat verdwyn. Kom draf liewe saam met ons. Djy sal check djy voel honnerd keer bieter ou pêl."

Olifant check hulle uit, kyk na sy coke, gooi dit weg en begin saam te hardloop. Die drie diertjies draf deur die bos en kom toe op Leeu af met sy padkaart-oë, besig om heroïne te spike.

"Leeu!" sê Hasie. "Wat maak djy ou? Wil jy nie sa..."

Skielik gee Leeu vir Hasie 'n harde klap en spike verder.

Verslae kyk Olifant en Kameelperd vir Leeu aan. "Hoekom het jy die arme outjie so hard geslat?" vra Olifant.

Leeu toe: "Want daai klein stront laat my elke keer soos 'n dom donner saam met hom deur die bos hardloop as hy op Ecstasy is!"

-o0o-